Eminquey Akif - Şair, yazıçı, publisist. Azərbaycan Yazıçılar Birliyinin üzvüdür. Bakı Neft Energetika Kolleci və Bakı Slavyan Universitetinin məzunudur. "Günəbaxan" və "Susdum" kitablarının müəllifidir. 2 fevral 2022-ci ildə Azərbaycan Respublikası Gənclər və İdman Nazirliyi tərəfindən "İlin gənci" seçilib. Prezident təqaüdçüsüdür.
"Keçən gün" adlı müharibə mövzulu şeiri "ÜNS” Yaradıcılıq Mərkəzində keçirilən MAP beynəlxalq teatr festivalında YUĞ teatrının "Dəli yığıncağı" tamaşasında oynanılıb. Tamaşada həmçinin, Ramiz Rövşənin, Həmid Herisçinin, Bahar Zamanının, Elvin Paşanın da şeirləri səsləndirilib. (İZLƏ)
2020-ci ildə Səhnə Teatrının "Bir dəfə Qarabağda" adlı etno-müzikl tamaşasının musiqilərinin söz müəllifidir. (İZLƏ)
2015-ci ildən "Modern.az", "Teleqraf.com", "Adalet.az", "Kulis.az" kimi mətbu orqanlarda köşə yazıları, reportaj, müsahibələrlə çıxış edib.
2020-ci ildə dahi şairimiz Hüseyn Cavidə həsr olunmuş "Mədəniyyətimizin sürgünü" adlı yazısı mükafata layiq görülüb.
2022-ci ildə "Daşaltı Cıdırın ətəyində namaz qılır" adlı (Şuşadan reportaj) yazısı ilə "Ən yaxşı reportaj" nominasiyasının qalibi olub. (OXU)
2024-cü ildə "Vaqif Səmədoğlu 85" şeir müsabiqəsində III yeri tutub.
Şeirləri Kamran M. Yunis, Aygün Fətullayeva, Eldost Bayram, Kamran Ağabalayev, Hikmət Rəhimov, Elşən Əsgərov və s. aktyor və qiraətçilər tərəfindən səsləndirilib.